ទឹកប្រហុកគឺទឹកជ្រលក់យ៉ាងដែលជាមុខម្ហូបសំខាន់មួយរបស់ជនជាតិខ្មែរ ម្ហូបខ្មែរភាគច្រើនប្រើទឹកប្រហុកដើម្បីបន្ថែមរសជាតិឲ្យឆ្ងាញ់ពិសារ។ ទឹកប្រហុកមានរសជាតិកាន់តែឆ្ងាញ់កាលណាប្រើសម្រាប់ជ្រលក់ជាមួយបន្លែឆ្អិន ឬត្រី ឬសាច់ឆ្អិន។ ជាទូទៅទឹកប្រហុកគឺជាទឹកជ្រលក់ដែលគេប្រើសំរាប់ជ្រលក់ជាមួយពោះគោស្ងោរ និង សាច់អាំង។
ចំណាំ៖ ប្រហុកជាម្ហូបអាហារពិសេសមួយប្រភេទ ដែលប្រជាជនខ្មែរពិសារតាំងពីដូនតាមកហើយវាបានក្លាយទៅជាអាហារនៃអត្តសញ្ញាណជនជាតិខ្មែរផងដែរ។ ជនជាតិខ្មែរស្ទើរតែទាំងអស់នៅជនបទ នៅតែអនុវត្តប្រពៃណីធ្វើប្រហុកស្ទើរគ្រប់ៗផ្ទះដើម្បីបរិភោគប្រចាំថ្ងៃ។ សម្រាប់អ្នកនៅទីក្រុងសម័យថ្មីមួយចំនួនមិនសូវចេះធ្វើនោះទេ ប៉ុន្តែនៅតែនិយមពិសារជាប្រចាំ។
៙ គ្រឿងផ្សំ ៖
- ប្រហុកសាច់ (ប្រហុកសៀមរាបត្រីកំភ្លាញ) ១ខាំ- ប្រេងឆា ១សា្លបព្រាបាយ
- ទឹកមួយកែវចំនួន ១២០មល
- ក្រូចឆ្មារ ២ផ្លែ
- ស្ករស ៥ ស្លាបព្រាកាហ្វេ
- រំដេង ១ជ្រុងតូច(ប៉ុនកូនដៃ) បុកអោយម៉ត់
- ខ្ទឹមសបុកអោយម៉ត់ ២កំពិសធំ
- គល់ស្លឹកគ្រៃគ្រាមហាន់រួច ឬដាក់ស្លឹកគ្រៃស្រស់ហាន់រួចក៏បាន ១ចានចង្កិះ
- សណ្ដែកដីលីងតិច ឬច្រើនតាមចូលចិត្ត
- ម្ទេសហាន់ដាក់តាមការចូលចិត្ត
៙ អន្លក់ប្រហុក៖
- ស្ពៃក្តោប
- ត្រសក់
- សណ្ដែកកួរ
- ពោតបារាំង
- ការ៉ុត
- ចេកខ្ចី
- ត្រយូងចេក
- ស្ពៃចិន
- សាច់ជ្រូកបីជាន់
- បន្លែផ្សេងៗទៀតតាមចំណង់ចំណូលចិត្ត
៙ របៀបធ្វើទឹកប្រហុកខ្មែរ ៖
១- ចិញ្ច្រាំប្រហុកអោយម៉ត់ល្អ កំដៅកូនឆ្នាំងឱ្យក្ដៅ ពេលឆ្នាំងក្តៅល្មម ដាក់ប្រេងឆា និងស្ករស រំដេង ខ្ទឹមស ចូលកូររហូតក្លាយជាល្បាយសព្វសាច់។
២- ចាក់ទឹកចូលប្រហែល ១២០ម.ល បន្ទាប់មកដាក់ប្រហុក រួចចាប់ផ្តើមកូររហូតដល់ទឹកប្រហុកពុះ បន្ទាប់មកលើកចេញពីចង្ក្រានដាក់ឱ្យត្រជាក់ (បើចូលចិត្តខាប់អាចបន្ថយទឹកក៏បាន)។
៣- ថែមគល់ស្លឹកគ្រៃហាន់ ដាក់ម្ទេសហាន់រួច ច្របាច់ក្រូចឆ្មាររួចកូរឱ្យសព្វ រោយសណ្ដែកដីលីងពីលើជាការស្រេច។
កត់សម្គាល់៖
មានអ្នកខ្លះចូលចិត្តជ្រលក់បន្លែស្រស់ៗជាមួយប្រហុកដោយផ្ទាល់។ បន្លែស្រស់ដែលគេនិយមបរិភោគរួមមាន៖ ស្ពៃចិន ស្ពៃក្រញាញ់ ជីពងទាកូន ជីរណា ម្រះ ត្រសក់ ចេកខ្ចី និងបន្លែផ្សេងជាច្រើនមុខផ្សេងទៀត។ អ្នកខ្លះទៀតចូលចិត្តពិសារជាមួយសាច់ជ្រូកបីជាន់ សាច់គោអាំង ពោះគោ និងបន្លែស្រស់ផ្សេងៗទៀតជ្រលក់ផ្ទាល់ជាមួយទឹកប្រហុកតែម្តង៕
____________
ប្រភពពី https://www.ahakhmer.com/
Post a Comment
៙ គោលការណ៍ក្នុងការផ្តល់យោបល់ ៖
1. យោបល់ត្រូវតែសរសេរជាភាសាខ្មែរ ពាក្យបច្ចេកទេសអាចសរសេរជាភាសាអង់គ្លេស។
2. យោបល់មិនត្រូវលើសពី 1000 តួអក្សរឡើយ។ ការបំបែកយោបល់មិនត្រូវបានអនុញ្ញាតទេ។
3. យោបល់ដែលចាត់ទុកថាជា Spam ឬមានគោលបំណងផ្សព្វផ្សាយពាណិជ្ជកម្មតែមួយមុខ នឹងត្រូវលុប។
4. ការពិភាក្សាអំពីនយោបាយមិនត្រូវបានអនុញ្ញាតនៅលើគេហទំព័រនេះទេ។
5. ការចែករំលែកតំណភ្ជាប់ដែលពាក់ព័ន្ធត្រូវបានអនុញ្ញាត។ តំណភ្ជាប់និងតម្រងពាក្យខ្លះត្រូវបានហាមឃាត់។
6. យោបល់ដែលរអ៊ូរទាំអំពីប្រធានបទនៃការបង្ហោះ ឬប្រភពរបស់វានឹងត្រូវលុប។
7. ការប្រើភាសាប្រមាថក្នុងយោបល់ ឬឈ្មោះអ្នកប្រើប្រាស់នឹងបណ្តាលឱ្យមានការហាមឃាត់។
8. ការវាយប្រហារ/ការបៀតបៀនដោយផ្ទាល់ នឹងបណ្តាលឱ្យមានការហាមឃាត់ភ្លាមៗ។
9. អ្នកសម្របសម្រួលអាចកែប្រែ/លុបយោបល់ដោយមិនចាំបាច់ជូនដំណឹង។