បាយស៊ូស៊ី ជាប្រភេទអាហារមួយប្រភេទដែលមានភាពពេញនិយមបំផុត នៅតាមបណ្តាលភោជនីយដ្ឋាននៅក្នុងប្រទេសជប៉ុន ។ ជាពិសេសនោះ គឺអាហារមួយប្រភេទនេះមានរស់ជាជាច្រើនបែប តាមចំណូលចិត្តរបស់អ្នកញ៉ាំ ព្រោះអ្នកញ៉ាំអាចជ្រើសរើសស្នូលប្រភេទបន្លែ នឹងរសជាតិសាច់បាន។ ជាមួយគ្នានេះដែរ Phnom Penh Reicpe សូមធ្វើការបង្ហាញពីរបៀបធ្វើ បាយស៊ូស៊ី រស់ជាតិសាច់បង្គា លាយបន្លែត្រសក់ មកជូនប្រិយមិត្តគ្រប់ៗរូបដូចខាងក្រោម។
៙ គ្រឿងផ្សំ ៖
- បន្ទះឫស្សីដែលអាចមូលបាន ១សន្លឹក(ភាគច្រើនត្រូវបានគេប្រើសម្រាប់មូលស៊ូស៊ី)- ថង់ប្លាស្ទិក មួយសន្លឹក
- អង្ករ ៣០០ក្រាម
- បង្គា ១០០ក្រាម (១ខាំ)
- បន្ទះសារ៉ាយសមុទ្រ ៤ ទៅ ៥បន្ទះ
- ស៊ុត ១គ្រាប់
- ត្រសក់មួយផ្លែ
៙ វិធីធ្វើ ៖
១. ដំបូងនេះ អ្នកត្រូវធ្វើការលាងអង្ករឲ្យស្អាត នឹងដាក់ដាំវា ឲ្យឆ្អិនជាមុនសិន ។២. ក្នុងអំឡុងពេល ដែលអ្នករងចាំនូវការដាំបាយនោះ អ្នកអាចជិតត្រសក់រាងឆ្នូតៗ នឹងលាងទឹកឲ្យស្អាត ។
៣. បន្ទាប់ពីជិតសម្បក នឹងធ្វើការលាងសម្អាតរួច អ្នកគួរពុះត្រសក់នោះជា ៨ ចម្រៀក។ គោះស៊ុតមួយគ្រាប់ដាក់ចូលទៅក្នុងកូនចានមួយ ។
៤. ក្រោយពីបាយរបស់អ្នកឆ្អិនហើយ អ្នកត្រូវធ្វើការលាសម្បកបន្ទះស៊ូស៊ី ដើម្បីមានភាពងាយស្រួលក្នុងការដាក់ស្នូលរបស់វា។ អ្នកត្រូវដាក់បន្ទះឫស្សីរុំស៊ូស៊ីដាក់លើតុមួយជាមុនសិន រួចដាក់ថង់ប្លាស្ទិកមួយលើបន្ទះឫស្សី ដើម្បីការពារការស្អិត នឹងជាប់ដៃ ។
៥. ក្រោយពីការលាសម្បកស៊ូស៊ីរួចមក អ្នកគួរដាក់បាយ ៤ ស្លាបព្រាទៅលើបន្ទះសម្បកស៊ូស៊ី (នៅពេលដាក់បាយ អ្នកគួរផ្សើមដៃរបស់អ្នកជាមុនសិន ដើម្បីការពារការជាប់ ឬស្អិតដៃអ្នកជាមួយនឹងបាយ) ធ្វើការពាសវាឲ្យស្មើ ដោយមិនឲ្យពេញបន្ទះពេកទេ គឺទុកផ្នែកខាងលើប្រហែលជាពាក់កណ្តាល របស់បន្ទះស៊ូស៊ីឲ្យនៅចំហ សម្រាប់មូលគ្របពីលើ ។
ចំណាំ ៖ បន្ទះសារ៉ាយសមុទ្រ អាចដាក់ពីលើឬដាក់ពីក្រោម ស្រេចទៅតាមការចូលចិត្ត ពេលរៀបចំមូលស៊ូស៊ី ។
៦. ដំណាក់ការបន្តមកទៀត នោះគឺបន្ថែមសាច់បង្គា នឹងត្រសក់ ១ ចំណិតទៅលើបាយដែលមាននៅបន្ទះរបស់ស៊ូស៊ី តាមបណ្តោយរបស់បាយឲ្យចំកណ្តាល បន្តមកទៀតអ្នកត្រូវធ្វើការមូលវា។ ក្នុងពេលមូលនោះដែលត្រូវធ្វើការលាបស៊ុតទៅលើបន្ទះស៊ូស៊ីជាមុនសិនដើម្បីឲ្យរាមានការជាប់ល្អ (ប្រសិនបើគ្រាន់ស៊ុតអ្នកអាចប្រើទឹកជំនួសក៏បាន)។
៧. ក្នុងដំណាក់ការនេះអ្នកត្រូវធ្វើការមូលវាឲ្យមូល។ ហើយការមូលនោះដែរ អ្នកមិនត្រូវមូលវាទាំងបន្ទះឫស្សីនឹងថង់ប្លាស្ទិកនោះទេ ដូចនេះអ្នកគួរធ្វើការមូលវាម្តងបន្តិចៗ ។ ក្រោយពីមូលវាឲ្យមានរាងមូលរួចមក អ្នកត្រូវដកបន្ទះឫស្សីនោះ មកដាក់គ្របពីលើនឹងធ្វើការរុំមូលវាឲ្យមូលសាជាថ្មីម្តងទៀត ដើម្បីថានាបានថាវាជាប់នឹងណែនល្អ ។
៨. ក្រោយពីធ្វើដូចនេះមក អ្នកត្រូវធ្វើការកាត់វាឲ្យចេញជារាងកង់ៗជាការស្រេច ៕
____________
ប្រភព http://phnompenhrecipe.com/read/Recipes/2043
No comments
Post a Comment
៙ គោលការណ៍ក្នុងការផ្តល់យោបល់ ៖
1. យោបល់ត្រូវតែសរសេរជាភាសាខ្មែរ ពាក្យបច្ចេកទេសអាចសរសេរជាភាសាអង់គ្លេស។
2. យោបល់មិនត្រូវលើសពី 1000 តួអក្សរឡើយ។ ការបំបែកយោបល់មិនត្រូវបានអនុញ្ញាតទេ។
3. យោបល់ដែលចាត់ទុកថាជា Spam ឬមានគោលបំណងផ្សព្វផ្សាយពាណិជ្ជកម្មតែមួយមុខ នឹងត្រូវលុប។
4. ការពិភាក្សាអំពីនយោបាយមិនត្រូវបានអនុញ្ញាតនៅលើគេហទំព័រនេះទេ។
5. ការចែករំលែកតំណភ្ជាប់ដែលពាក់ព័ន្ធត្រូវបានអនុញ្ញាត។ តំណភ្ជាប់និងតម្រងពាក្យខ្លះត្រូវបានហាមឃាត់។
6. យោបល់ដែលរអ៊ូរទាំអំពីប្រធានបទនៃការបង្ហោះ ឬប្រភពរបស់វានឹងត្រូវលុប។
7. ការប្រើភាសាប្រមាថក្នុងយោបល់ ឬឈ្មោះអ្នកប្រើប្រាស់នឹងបណ្តាលឱ្យមានការហាមឃាត់។
8. ការវាយប្រហារ/ការបៀតបៀនដោយផ្ទាល់ នឹងបណ្តាលឱ្យមានការហាមឃាត់ភ្លាមៗ។
9. អ្នកសម្របសម្រួលអាចកែប្រែ/លុបយោបល់ដោយមិនចាំបាច់ជូនដំណឹង។