តើ ប្រិយមិត្តចង់ធ្វើប្រហិតសាច់ជ្រូកឲ្យស្វិតល្អដែរ ឬទេ? គ្មានអ្វីពិបាកទៀតឡើយ ថ្ងៃនេះ Phnom Penh Recipe នឹងបង្ហាញពីរបៀបធ្វើដើម្បីឲ្យប្រិយមិត្តអស់ចម្ងល់។ ដូច្នេះកុំឲ្យខាតពេលយូរសូមអនុវត្តទាំងអស់គ្នាដូចខាងក្រោម ៖
៙ គ្រឿងផ្សំ ៖
- សាច់ជ្រូកចិញ្ច្រាំ ៥០០ក្រាម- ស្ករស ១ស្លាបព្រាបាយ
- អំបិល ចុងស្លាបព្រាកាហ្វេ
- ទឹកស៊ីអ៊ីវ កន្លះស្លាបព្រាបាយ ឬ ទឹកត្រីតាមចំណូលចិត្ត
- ម្សៅស៊ុបមាន់ កន្លះស្លាបព្រាកាហ្វេ
- ម្រេច កន្លះស្លាបព្រាកាហ្វេ
- ម្សៅជំនួសមេនំប៉័ង កន្លះស្លាបព្រាកាហ្វេ (baking powder)
- ម្សៅមី ១ស្លាបព្រាបាយកន្លះ
- ទឹកត្រជាក់ ៨០មីលីលី្រ(ទឹកកក)
៙ វិធីធ្វើ ៖
១. ដំបូងយកគ្រឿងផ្សំមាន ម្សៅមី, ម្រេច, ស្ករស, ម្សៅជំនួសមេនំប៉័ង, អំបិល, ម្សៅស៊ុបមាន់ និងទឹកត្រីលាយចូលជាមួយទឹកត្រជាក់រួចកូរវាចូលគ្នាឲ្យសព្វ។២. យកសាច់ជ្រូកដាក់ចូលទៅក្នុងម៉ាស៊ីនក្រឡុក រួចចាក់ទឹកដែលលាយគ្រឿងផ្សំរួចចូលបើកម៉ាស៊ីនក្រឡុកវាឲ្យម៉ត់។
៣. ដួសវាចេញគ្របឲ្យជិតយកទៅដាក់ក្នុងទូទឹកកកប្រហែលជា ១ម៉ោង ។
៤. ក្រោយមកយកវាទៅដាក់ចូលក្នុងម៉ាស៊ីនក្រឡុកម្តងទៀត ពេលរួចរាល់ហើយយកទៅដាក់ក្នុងទូទឹកកកឲ្យបាន ៤៥នាទីទៀត។
៥. បន្ទាប់ពីដាក់ក្នុងទូរទឹកកកជាលើកទីពីរដើម្បីឲ្យវាស្វិតល្អ ឥឡូវអាចយកវាលុញធ្វើជាដុំមូលៗ រួចយកដាក់ចូលក្នុងទឹកដែលកំពុងដាំតែដាក់ពុះតិចៗបានហើយ ពេលដែលវាអណ្ដែតមកលើគឺឆ្អិនអាចស្រង់បាន៕
______________
ប្រភព http://phnompenhrecipe.com/read/Recipes/2014
Post a Comment
៙ គោលការណ៍ក្នុងការផ្តល់យោបល់ ៖
1. យោបល់ត្រូវតែសរសេរជាភាសាខ្មែរ ពាក្យបច្ចេកទេសអាចសរសេរជាភាសាអង់គ្លេស។
2. យោបល់មិនត្រូវលើសពី 1000 តួអក្សរឡើយ។ ការបំបែកយោបល់មិនត្រូវបានអនុញ្ញាតទេ។
3. យោបល់ដែលចាត់ទុកថាជា Spam ឬមានគោលបំណងផ្សព្វផ្សាយពាណិជ្ជកម្មតែមួយមុខ នឹងត្រូវលុប។
4. ការពិភាក្សាអំពីនយោបាយមិនត្រូវបានអនុញ្ញាតនៅលើគេហទំព័រនេះទេ។
5. ការចែករំលែកតំណភ្ជាប់ដែលពាក់ព័ន្ធត្រូវបានអនុញ្ញាត។ តំណភ្ជាប់និងតម្រងពាក្យខ្លះត្រូវបានហាមឃាត់។
6. យោបល់ដែលរអ៊ូរទាំអំពីប្រធានបទនៃការបង្ហោះ ឬប្រភពរបស់វានឹងត្រូវលុប។
7. ការប្រើភាសាប្រមាថក្នុងយោបល់ ឬឈ្មោះអ្នកប្រើប្រាស់នឹងបណ្តាលឱ្យមានការហាមឃាត់។
8. ការវាយប្រហារ/ការបៀតបៀនដោយផ្ទាល់ នឹងបណ្តាលឱ្យមានការហាមឃាត់ភ្លាមៗ។
9. អ្នកសម្របសម្រួលអាចកែប្រែ/លុបយោបល់ដោយមិនចាំបាច់ជូនដំណឹង។