៙ គ្រឿងផ្សំម្សៅនំប៉ាវ ៖
១- ម្សៅមី ៥០០ក្រាម២- ស្ករស ១០០ ក្រាម
៣- ម្សៅនំដុត (baking powder) ២ស្លាបព្រាកាហ្វេ
៤- ម្សៅឡើង (Yeast) ២ ស្លាបព្រាកាហ្វេ
៥- អំបិល កន្លះស្លាបព្រាបាយ
៦- ទឹកដោះគោ ៤០០មីលីលីត្រ
៧- ប្រេងឆា ១ ស្លាបព្រាបាយ
៨- ទឹក ១៥០មីលីលីត្រ
៙ គ្រឿងផ្សំស្នូលនំប៉ាវ ៖
៩- ប៉ិកគក់ ២ផ្លែរ១០- ការ៉ុត ៣០០ក្រាម
១២- ផ្សិតស្លឹកត្រចៀកកណ្តុរ ១០០ក្រាម
១៣- ផ្សិតកំប៉ុង ១កំប៉ុង
១៤- សាច់ជ្រូកចិញ្ច្រាំ ៤០០ក្រាម (ការធ្វើរូបខាងលើមិនប្រើស្នូលសាច់ជ្រូកទេ តែប្រើស្នូលបន្លែប៉ុណ្ណោះ)។
១៥- អំបិល ស្ករស ប្រេងឆា ទឹកស៊ីអ៊ីវ
៙ របៀបធ្វើ ៖
១- យកម្សៅមី មកលាយនឹងគ្រឿងផ្សំសម្រាប់ធ្វើម្សៅ : លាយជាមួយម្សៅនំដុត ម្សៅឡើង ស្ករស អំបិល ប្រេងឆា ទឹកដោះគោ និងទឹក ។ លាយម្សៅ រួចច្របាច់អោយសព្វ ។២- ច្របាច់រហូតដល់ម្សៅដូចរូបខាងក្រោម ។ យកក្រណាត់សើមគ្របទុក ១ម៉ោង។ ការគ្របនេះដើម្បីអោយម្សៅ និងមេម្សៅវាឡើងល្អ។ ពេលម្សៅឡើងល្អ វាមានពពុះដូចពងបែកលើផ្នែកខាងលើម្សៅ នេះបញ្ជាក់ថាម្សៅគឺអាចយកមករុំបានហើយ។
៣- ត្រាំផ្សិតស្លឹកត្រចៀកកណ្តុរ ១០នាទី រហូតដល់ផ្សិតរីកដូចរូបខាងក្រោម
៤- ហាន់ ឬឈូសការ៉ុត ប៉ិកគក់ និងហាន់ផ្សិតកំប៉ុង និងផ្សិតស្លឹកត្រចៀកកណ្តុរអោយម៉ដ្ឋ
៥- ចិញ្ច្រាំសាច់ជ្រូកអោយម៉ត់ យកសាច់ជ្រូកចិញ្ច្រាំ មកលាយជាមួយបន្លែដែលចិញ្ច្រាំរួច រួចលាយជាមួយគ្រឿងគ្រៅអោយល្មមតាមរសជាតិចូលចិត្ត
៦- ស្ងោរពងទា ៦គ្រាប់ ដើម្បីដាក់លាយជាមួយស្នូល នំប៉ាវ
៧- ពេលម្សៅនំប៉ាវទុក ១ម៉ោងក្រោយមក យកមកច្របាច់វា២នាទីទៀតអោយវាហាប់ល្អ
៨- លញ់ម្សៅជារាងទ្រវែង ហើយកាត់ជាពីរ រួចកាត់កំណាត់ម្សៅជាពីរៗរហូតដល់វាតូចល្មម ប៉ុនកណ្ដាប់ដៃ ។
៩- យកម្សៅប៉ុនកណ្ដាប់ដៃនោះមកលញ់ កិនអោយវាសំប៉ែត ។ អាចយកសម្រាប់កិន ឬដបស្រាមកកិនក៏បាន ។ ពេលកិនដើម្បីកុំអោយជាប់ ត្រូវរោយម្សៅមីទទេលើកម្រាល ។ មើលរូបភាពខាងក្រោម ។
១០- យកស្នូលដែលលាយគ្រឿងរួចមកដាក់កណ្តាល រួចកាត់ពងទា ១កំណាត់ដាក់ជាមួយ ។ រួចរុំម្សៅជារាងជាយៗ រួចវេញចុងម្សៅ ដើម្បីបិតវាអោយជិត ។ កាត់ក្រដាស់ទ្រនាប់នំប៉ាវរាងការេ ប៉ុនបាតដៃទ្រាប់ ។ រុំម្សៅនំរហូតអស់ ។
១១- យកម្សៅមកចំអិន ក្នុងឡាំងស៊ិង រយៈពេល១ម៉ោងជាការស្រេច ។
________________
ប្រភព : http://tak-tic.blogspot.com/2017/05/blog-post_179.html
Post a Comment
៙ គោលការណ៍ក្នុងការផ្តល់យោបល់ ៖
1. យោបល់ត្រូវតែសរសេរជាភាសាខ្មែរ ពាក្យបច្ចេកទេសអាចសរសេរជាភាសាអង់គ្លេស។
2. យោបល់មិនត្រូវលើសពី 1000 តួអក្សរឡើយ។ ការបំបែកយោបល់មិនត្រូវបានអនុញ្ញាតទេ។
3. យោបល់ដែលចាត់ទុកថាជា Spam ឬមានគោលបំណងផ្សព្វផ្សាយពាណិជ្ជកម្មតែមួយមុខ នឹងត្រូវលុប។
4. ការពិភាក្សាអំពីនយោបាយមិនត្រូវបានអនុញ្ញាតនៅលើគេហទំព័រនេះទេ។
5. ការចែករំលែកតំណភ្ជាប់ដែលពាក់ព័ន្ធត្រូវបានអនុញ្ញាត។ តំណភ្ជាប់និងតម្រងពាក្យខ្លះត្រូវបានហាមឃាត់។
6. យោបល់ដែលរអ៊ូរទាំអំពីប្រធានបទនៃការបង្ហោះ ឬប្រភពរបស់វានឹងត្រូវលុប។
7. ការប្រើភាសាប្រមាថក្នុងយោបល់ ឬឈ្មោះអ្នកប្រើប្រាស់នឹងបណ្តាលឱ្យមានការហាមឃាត់។
8. ការវាយប្រហារ/ការបៀតបៀនដោយផ្ទាល់ នឹងបណ្តាលឱ្យមានការហាមឃាត់ភ្លាមៗ។
9. អ្នកសម្របសម្រួលអាចកែប្រែ/លុបយោបល់ដោយមិនចាំបាច់ជូនដំណឹង។