៙ គ្រឿងផ្សំ ៖
១- ឆ្អឹងជំនី ២៥០ក្រាម២- ឆៃថាវ ១ មើម
៣- បន្លែ(ស្ពៃបូកគោ ត្រកួន ស្ពៃខ្មៅ….) ៥០០ ក្រាម
៤- បង្គា ២៥០ ក្រាម
៥- ផ្សិត ២០០ ក្រាម
៦- ស្លឹកត្រចៀកកណ្តុរ ២៥ក្រាម
៧- មីសួ ៣ដុំ
៨- សាច់បន្ថែម(តាមចំណូលចិត្ត ឧ.សាច់ជ្រូក) ២៥០ក្រាម
៩- ខ្ទឹមស ១២ កំពឹស
១០- អំបិល ២ ស្លាបព្រាកាហ្វេ
១១- ប៊ីចេង មួយ ស្លាបព្រាកាហ្វេ
១២- ទឹកត្រី ៥ ស្លាបព្រាបាយ
១៣- ស្ករស កន្លះ ស្លាបព្រាបាយ
១៤- ស៊ុត មួយគ្រាប់
១៥- ទឹកប្រេងខ្យង ៣ស្លាព្រាបាយ
១៦- ទឹកម្ទេសដប ២០០មីលីលីត
១៧- ខ្ទឹមក្រហមត្រាំ ២ទៅ៣មើម
១៨- ជីរវ៉ាន់ស៊ុយ មួយដុំ
១៩- ល្ងស ៥០ក្រាម
៙ វិធីធ្វើ ៖
១- ជាដំបូងអ្នកត្រូវកាត់ឆ្អឹងជំនីប្រវែង ១តឹកព្រមទាំងលាងសម្អាតឲ្យស្អាត។ឆៃថាវត្រូវកោសសម្បកនឹងសម្អាតឲ្យស្អាតបន្ទាប់មកកាត់ទទឹងៗកម្រាស់ ១ឬ ២សង់ទីម៉ែត្រទុកមួយអន្លើ។២- បន្លែត្រូវកាត់ប្រវែង ១តឹក។ ចំណែកបង្គាត្រូវបកសំបកនឹងលាសសម្អាតឲ្យស្អាត។ ផ្សិតត្រូវកាត់ជើងដែលនៅក្បែរដីចោលនិងលាងសម្អាតឲ្យស្អាត។ ស្លឹកត្រចៀកកណ្តុរត្រូវត្រាំទឹកឲ្យរីកនិងកាត់កម្ទេចឈើដែលនៅជាប់នោះចេញឲ្យស្អាត។ មីសួត្រូវត្រាំទឹកឲ្យរីកនឹងកាត់ប្រវែង ២ តឹកទុកមួយអន្លើ។ សម្រាប់សាច់ដែលបន្ថែមនោះអ្នកគួរហាន់ជាបន្ទះស្តើងៗ។
៣- ជាបន្តមកទៀតត្រូវដាក់ដាំទឹករំងាស់ឆ្អឹងជំនីរដាក់ និងឆៃថាវចូលព្រមទាំងដំខ្ទឹមសប្រហែល៣ទៅ៤កំពឹស រួមទាំងដំខ្ទឹមក្រហមត្រាំចូលក្នុងទឹកស៊ុបរងចាំរយះពេល ១ម៉ោង។
៤- មួយម៉ោងក្រោយសូមបន្ថែមអំបិលមួយស្លាបព្រាកាហ្វេ,ប៊ីចេងមួយស្លាបព្រាកាហ្វេ,ទឹកត្រី ៥ស្លាព្រាបាយ,ស្ករសកន្លះស្លាបព្រាបាយរងចាំមួយរំពុះ។ នៅពេលញ៉ាំបន្ថែមបន្លែ,សាច់បន្ថែម,បង្គា,ផ្សិត,ត្រចៀកកណ្តុរចូលកូរឲ្យសព្វរួចបន្ថែមមីសួព្រមទាំងគោះស៊ុតចូលមួយគ្រាប់ចូលជាការស្រេច។
៥- ដំណាក់កាលនេះអ្នកគួរតែធ្វើទឹកជ្រលក់ ចំណែកវិធីធ្វើទឹកជ្រលក់គឺ ដាក់ខ្ទឹមសព្រមទាំងខ្ទឹមក្រហមត្រាំដែលនៅសល់,ទឹកម្ទេសដប,ទឹកប្រេងខ្យង,ព្រមទាំងអំបិលមួយស្លាបព្រាកាហ្វេចូលក្នុងម៉ាស៊ីនក្រឡុកមួយហើយធ្វើការក្រឡុកឲ្យម៉ត់ចូលគ្នាបន្ថែម ល្ងសនឹងស្លឹកជីរវ៉ាន់សុយចូលកូរចូលគ្នាឲ្យសព្វរួចជាការស្រេច៕
_____________
ប្រភពពី http://recipe.camlocation.com
No comments
Post a Comment
៙ គោលការណ៍ក្នុងការផ្តល់យោបល់ ៖
1. យោបល់ត្រូវតែសរសេរជាភាសាខ្មែរ ពាក្យបច្ចេកទេសអាចសរសេរជាភាសាអង់គ្លេស។
2. យោបល់មិនត្រូវលើសពី 1000 តួអក្សរឡើយ។ ការបំបែកយោបល់មិនត្រូវបានអនុញ្ញាតទេ។
3. យោបល់ដែលចាត់ទុកថាជា Spam ឬមានគោលបំណងផ្សព្វផ្សាយពាណិជ្ជកម្មតែមួយមុខ នឹងត្រូវលុប។
4. ការពិភាក្សាអំពីនយោបាយមិនត្រូវបានអនុញ្ញាតនៅលើគេហទំព័រនេះទេ។
5. ការចែករំលែកតំណភ្ជាប់ដែលពាក់ព័ន្ធត្រូវបានអនុញ្ញាត។ តំណភ្ជាប់និងតម្រងពាក្យខ្លះត្រូវបានហាមឃាត់។
6. យោបល់ដែលរអ៊ូរទាំអំពីប្រធានបទនៃការបង្ហោះ ឬប្រភពរបស់វានឹងត្រូវលុប។
7. ការប្រើភាសាប្រមាថក្នុងយោបល់ ឬឈ្មោះអ្នកប្រើប្រាស់នឹងបណ្តាលឱ្យមានការហាមឃាត់។
8. ការវាយប្រហារ/ការបៀតបៀនដោយផ្ទាល់ នឹងបណ្តាលឱ្យមានការហាមឃាត់ភ្លាមៗ។
9. អ្នកសម្របសម្រួលអាចកែប្រែ/លុបយោបល់ដោយមិនចាំបាច់ជូនដំណឹង។