៙ គ្រឿងផ្សំ ៙
១- សាច់បន្ទះ៥បន្ទះ(សាច់សុទ្ធឬសាច់បីជាន់)២- ស្ពៃក្តោប១០០ក្រាម
៣- ខ្ទឹមស៣ឬ៤កំពឹស
៤- ប្រេងខ្យងមួយស្លាបព្រាបាយ
៥- អំបិលកន្លះស្លាព្រាកាហ្វេ
៦- ប៊ីចេងកន្លះស្លាបព្រាកាហ្វេ
៧- ស្ករសមួយស្លាបព្រាកាហ្វេ
៨- ម្រេចម៉ត់កន្លះស្លាព្រាកាហ្វេ
៩- ផ្សិតស្រស់ ៥០ក្រាម
១០- ខ្ញី ៥០ក្រាម
១១- ទឹកធម្មតា ២៥០មីលីលីត្រ
១២- មីមួយកញ្ចប់
១៣- ស្លឹកខ្ទឹម
៙ វិធីធ្វើ ៖
១- ប្រើសាច់សុទ្ធមកលាងអោយបានស្អាត រួចទុកមួយអន្លើ អោយស្រស់ទឹក។ ស្ពៃក្ដោបអ្នកត្រូវហាន់អោយតូចៗ ដូចជាហាន់ស្ងោរ។ ផ្សិតអ្នកគួរប្រើផ្សិតដែកគោលស្រស់លាងទឹកអោយបានស្អាត។ ខ្ញីអ្នកចិតសម្បកលាងទឹកអោយស្អាត រួចពុះជា២ ហាន់ជាបញ្ឆិត ឬជាបណ្តោយទុកមួយអន្លើ។
២- ខ្ទឹមចិញ្ច្រាំអោយម៉ដ្ឋដាក់បំពងអោយឈ្ងុយ បន្ទាប់មកដាក់សាច់ដែលបានលាងទុកនោះចូល ត្រូវឆាត្រឡប់អោយសព្វសាច់ ចាំចាក់ប្រេងខ្យងចូលចំនួន១ស្លាព្រាបាយ រួចបន្ថែមអំបិល កន្លះស្លាបព្រាកាហ្វេ ប៊ីចេងកន្លះស្លាបព្រាកាហ្វេ ស្ករមួយស្លាបព្រាកាហ្វេ ម្រេចកន្លះស្លាបព្រាកាហ្វេ។
៣- ដំណាក់កាលបន្ត អ្នកត្រូវបន្ថែមស្ពៃក្តោប ខ្ញី និង ផ្សិតឆាចូលគ្នាមួយស្របក់ រួចក៏ដួសដាក់ចានសិន។ បន្ថែមទឹកធម្មតាចំណុះកន្លះ២៥០មីលីលីត្រ (សមល្មម) ទុកអោយពុះ ទុកមួយអន្លើ។
៤- ដាក់ដាំទឹកអោយពុះផ្សេង រួចដាក់មីចូល រងចាំ៣នាទីបន្ទាប់មកស្រង់មីចេញទុកអោយស្រក់ទឹក។
៥- ដួសទឹកស៊ុបដាក់ក្នុងចានកន្លះចាន រួចយកមីចូលដាក់ ជាមួយសាច់ដែលដួសទុកហើយក៏រោយស្លឹកខ្ទឹមពីលើជាការស្រេច អ្នកអាចបន្ថែមស៊ុតមាន់ឬទាបានតាមចំណូលចិត្ត៕
_____________ប្រភពពី camlocation
Post a Comment
៙ គោលការណ៍ក្នុងការផ្តល់យោបល់ ៖
1. យោបល់ត្រូវតែសរសេរជាភាសាខ្មែរ ពាក្យបច្ចេកទេសអាចសរសេរជាភាសាអង់គ្លេស។
2. យោបល់មិនត្រូវលើសពី 1000 តួអក្សរឡើយ។ ការបំបែកយោបល់មិនត្រូវបានអនុញ្ញាតទេ។
3. យោបល់ដែលចាត់ទុកថាជា Spam ឬមានគោលបំណងផ្សព្វផ្សាយពាណិជ្ជកម្មតែមួយមុខ នឹងត្រូវលុប។
4. ការពិភាក្សាអំពីនយោបាយមិនត្រូវបានអនុញ្ញាតនៅលើគេហទំព័រនេះទេ។
5. ការចែករំលែកតំណភ្ជាប់ដែលពាក់ព័ន្ធត្រូវបានអនុញ្ញាត។ តំណភ្ជាប់និងតម្រងពាក្យខ្លះត្រូវបានហាមឃាត់។
6. យោបល់ដែលរអ៊ូរទាំអំពីប្រធានបទនៃការបង្ហោះ ឬប្រភពរបស់វានឹងត្រូវលុប។
7. ការប្រើភាសាប្រមាថក្នុងយោបល់ ឬឈ្មោះអ្នកប្រើប្រាស់នឹងបណ្តាលឱ្យមានការហាមឃាត់។
8. ការវាយប្រហារ/ការបៀតបៀនដោយផ្ទាល់ នឹងបណ្តាលឱ្យមានការហាមឃាត់ភ្លាមៗ។
9. អ្នកសម្របសម្រួលអាចកែប្រែ/លុបយោបល់ដោយមិនចាំបាច់ជូនដំណឹង។