៙ គ្រឿងផ្សំ ៖
១- ឆ្អឹងជំនីជ្រូក ៥ខាំ ហាន់ជាដុំៗ២- សាច់មាន់ ៥ខាំ ហាន់ជាដុំៗ
៣- គ្រឿងបុក ៥-១០ស្លាបព្រាបាយ
៤- អង្ករលីង កិនម៉ដ្ឋ ១កូនចាន
៥- ប្រហុក ចិញ្ច្រាំអោយម៉ដ្ឋ ១ស្លាបព្រាបាយ
៦- បន្លែ (ត្រប់ សណ្តែកគួរ ល្ហុង ចេក ម្រះ ល្ពៅ ស្ពៃខ្មៅ ស្លឹកបាស…) តាមចំណូលចិត្ត
៧- ទឹកត្រី ២ស្លាបព្រាបាយ
៨- ស្ករ ២ស្លាបព្រាបាយ
៩- ម្សៅស៊ុប ២ស្លាបព្រាកាហ្វេ
១០- អំបិល កន្លះស្លាបព្រាបាយ
១១- ទឹកស៊ុប ឬ ទឹកធម្មតា
៙ របៀបធ្វើ ៖
១- ចិតបន្លែតូចៗល្មម រួចបែងចែកតាមប្រភេទ (បន្លែទន់ និង រឹង) រួចលាងទឹកអោយស្អាត។២- យកឆ្នាំមួយដាក់សាច់ គ្រឿងបុក ទឹកត្រី ស្ករ ម្សៅស៊ុប ប្រហុក និងអំបិល រួចច្របល់ចូលគ្នាអោយសព្វ គ្រប់គំរប់ឆ្នាំងអោយជិតទុកចោល ៥នាទី សឹមបើកភ្លើង។
៣- ឆាសាច់អោយស្ងួតទឹក រួចថែមទឹកមួយកូនចានចង្កឹះ រំងាស់ប្រហែល ៥ទៅ១០នាទី (អោយសាច់ឆ្អិន) រួចដាក់បន្លែចូលទាំងអស់ (លើកលែងបន្លែស្លឹក) ឆាអោយបន្លែទន់ រួចគ្រប់ទុកចោល ៥នាទី សឹមដាក់អង្ករលីងពាក់កណ្តាល កូអោយសព្វជាមួយបន្លែ រួចដាក់ទឹកស៊ុបចូលអោយល្មមនឹងបន្លែ ទុកអោយពុះ រួចដាក់បន្លែស្លឹក និងអង្ករលីងទៅសល់ចូល ទុកអោយពុះម្តងទៀត ភ្លក្សរសជាតិតាមចំណូលចិត្តជាការស្រេច ។
+++ សម្លកកូរអាចដាក់បន្លែបានច្រើនមុខ តាមដែលអ្នកពេញចិត្ត។ ចំពោះគ្រឿងផ្សំរសជាតិ ដាក់អាស្រ័យតាមចំនួនបន្លែ និងសាច់។ សម្លនេះដាក់ទឹកល្មមទៅនឹងបន្លែ (មិនខាប់ពេក មិនរាវពេក)។ សម្លនេះអាចប្រើសាច់បានច្រើនប្រភេទ (ត្រី សាច់មាន់ សាច់ជ្រូក …) តាមដែលអ្នកចូលចិត្ត ៕
វីដេអូបង្ហាញ ៖
______________
ប្រភព : http://recipe.camlocation.com/Soup-Stew/
Post a Comment
៙ គោលការណ៍ក្នុងការផ្តល់យោបល់ ៖
1. យោបល់ត្រូវតែសរសេរជាភាសាខ្មែរ ពាក្យបច្ចេកទេសអាចសរសេរជាភាសាអង់គ្លេស។
2. យោបល់មិនត្រូវលើសពី 1000 តួអក្សរឡើយ។ ការបំបែកយោបល់មិនត្រូវបានអនុញ្ញាតទេ។
3. យោបល់ដែលចាត់ទុកថាជា Spam ឬមានគោលបំណងផ្សព្វផ្សាយពាណិជ្ជកម្មតែមួយមុខ នឹងត្រូវលុប។
4. ការពិភាក្សាអំពីនយោបាយមិនត្រូវបានអនុញ្ញាតនៅលើគេហទំព័រនេះទេ។
5. ការចែករំលែកតំណភ្ជាប់ដែលពាក់ព័ន្ធត្រូវបានអនុញ្ញាត។ តំណភ្ជាប់និងតម្រងពាក្យខ្លះត្រូវបានហាមឃាត់។
6. យោបល់ដែលរអ៊ូរទាំអំពីប្រធានបទនៃការបង្ហោះ ឬប្រភពរបស់វានឹងត្រូវលុប។
7. ការប្រើភាសាប្រមាថក្នុងយោបល់ ឬឈ្មោះអ្នកប្រើប្រាស់នឹងបណ្តាលឱ្យមានការហាមឃាត់។
8. ការវាយប្រហារ/ការបៀតបៀនដោយផ្ទាល់ នឹងបណ្តាលឱ្យមានការហាមឃាត់ភ្លាមៗ។
9. អ្នកសម្របសម្រួលអាចកែប្រែ/លុបយោបល់ដោយមិនចាំបាច់ជូនដំណឹង។