៙ គ្រឿងផ្សំ
១- សាច់មាន់ ១គីឡូក្រាម (ហាន់ជាដុំធំៗល្មម)២- សាច់គោ ៥ខាំ (ហាន់ជាដុំធំៗល្មម)
៣- ខ្ទឹមបារាំង ១ដុំ (ហាន់តូចល្មម)
៤- ការ៉ុត ១ផ្លែ (ហាន់ជាដុំ)
៥- ដំឡូងបារាំង ១ដុំ (ហាន់ជាដុំ)
៦- គ្រឿងបុក ១កូនចានចង្កិះ (ខ្ទឹមស ខ្ទឹមក្រហម រំដេង ល្មៀត ស្លឹកក្រូច គល់ស្លឹកគ្រៃ)
៧- ក្បាលខ្ទិះដូង ១/២ លីត្រ
៨- ខ្ទិះដូង ១ ១/២ លីត្រ
៩- សណ្ដែកដីលីង ៥០ក្រាម (បុកអោយបែកតិចៗ)
១០- ទឹកត្រី ៤ស្លាបព្រាបាយ
១១- អំបិល ១ស្លាបព្រាកាហ្វេ
១២- ស្ករត្នោត ១ខាំ
១៣- ម្សៅស៊ុប ១ស្លាបព្រាកាហ្វេ
១៤- ម្ទេសក្រៀម ១០ផ្លែ (ត្រាំទឹកអោយរីក ចិញ្ច្រាំអោយម៉ត់)
១៥- ផ្កាចន្ទន៍ ២ផ្កា (អត់ក៏បាន)
៙ របៀបធ្វើ ៖
១- ដាំឆ្នាំងអោយក្តៅ ដាក់ក្បាលខ្ទិះ១វែក ទុកអោយពុះ ដាក់ម្ទេសក្រៀម និងផ្កាចន្ទន៍ចូលឆាអោយឡើងពណ៌ក្រហមល្អ សឹមដាក់គ្រឿងបុកចូលឆាអោយឈ្ងុយ (បន្ថែមខ្ទិះបន្តិចៗ កុំអោយខ្លោច)។២- ដាក់សាច់ចូល ឆាបីបួនត្រឡប់ រួចដាក់គ្រឿងផ្សំរសជាតិ ដូចជា ស្ករ អំបិល ទឹកត្រី និងម្សៅស៊ុបចូលឆាអោយសព្វ រំងាស់អោយស្ងួតទឹកដែលចេញពីសាច់។
៣- ដាក់សណ្ដែកដី ការ៉ុត និងដំឡូងបារាំងចូល រួចដាក់ខ្ទិះដូងចូល រំងាស់អោយផុយសាច់ និងដាច់ទឹកបន្តិច ភ្លក្សរសជាតិតាមចំណូលចិត្ត (បើសាបថែមទឹកត្រី) រួចដាក់ក្បាលខ្ទិះដែលនៅសល់ និងខ្ទឹមបារាំងចូល ទុកមួយពុះជាការស្រេច៕
*** បើញ៉ាំជាមួយនំបញ្ចុក ស្លអោយរាវបន្តិច(បន្ថែមទឹក) បើញ៉ាំជាមួយនំបុ័ង ស្លអោយខាប់បន្តិច។
*** បើចូលចិត្តអាចដាក់កាពិ តែបើអត់ប្រើទឹកត្រីជំនូស។
___________
អ្នកស្រី សុគន្ធារី
Post a Comment
៙ គោលការណ៍ក្នុងការផ្តល់យោបល់ ៖
1. យោបល់ត្រូវតែសរសេរជាភាសាខ្មែរ ពាក្យបច្ចេកទេសអាចសរសេរជាភាសាអង់គ្លេស។
2. យោបល់មិនត្រូវលើសពី 1000 តួអក្សរឡើយ។ ការបំបែកយោបល់មិនត្រូវបានអនុញ្ញាតទេ។
3. យោបល់ដែលចាត់ទុកថាជា Spam ឬមានគោលបំណងផ្សព្វផ្សាយពាណិជ្ជកម្មតែមួយមុខ នឹងត្រូវលុប។
4. ការពិភាក្សាអំពីនយោបាយមិនត្រូវបានអនុញ្ញាតនៅលើគេហទំព័រនេះទេ។
5. ការចែករំលែកតំណភ្ជាប់ដែលពាក់ព័ន្ធត្រូវបានអនុញ្ញាត។ តំណភ្ជាប់និងតម្រងពាក្យខ្លះត្រូវបានហាមឃាត់។
6. យោបល់ដែលរអ៊ូរទាំអំពីប្រធានបទនៃការបង្ហោះ ឬប្រភពរបស់វានឹងត្រូវលុប។
7. ការប្រើភាសាប្រមាថក្នុងយោបល់ ឬឈ្មោះអ្នកប្រើប្រាស់នឹងបណ្តាលឱ្យមានការហាមឃាត់។
8. ការវាយប្រហារ/ការបៀតបៀនដោយផ្ទាល់ នឹងបណ្តាលឱ្យមានការហាមឃាត់ភ្លាមៗ។
9. អ្នកសម្របសម្រួលអាចកែប្រែ/លុបយោបល់ដោយមិនចាំបាច់ជូនដំណឹង។