+ គ្រឿងផ្សំ
១- ម្សៅរ៉តឌី រឺ ម្សៅប៊ីចេង ១ ស្លាបព្រាកាហ្វេ២- ស្ករស ៥ ស្លាបព្រាកាហ្វេ
៣- អំបិល ១/២ ស្លាបព្រាកាហ្វេ ឬតិចជាងនេះ
៤- ទឹកត្រី ១ ស្លាបព្រាបាយ
៥- ខ្ទឹមស ៥ មើម
៦- ស្លឹកគ្រៃ ៥គល់
៧- ទឹកស៊ីអ៊ីវ ១ ស្លាបព្រាបាយ
៨- សាច់មាន់មួយចំហៀង ឬ(អាចយកលើនេះ)
៩- ទឹកប្រេងខ្យង ១ ស្លាបព្រាបាយ
១០- ប្រេងឆា ១កូនចានចង្កឹះ
១១- ម្ទេស ១០ ផ្លែ
១២- ក្រូចឆ្មារ ៥ ផ្លែ
១៣- ទឹកដូង ១ផ្លែ
១៤- ត្រយូងចេក ១ផ្លែ
៙ វិធីរៀបចំ ៖
១- លាងសម្អាតសាច់មាន់ គ្រឿងក្នុងត្រូវអង្កន់កោះមាន់ៗតែកុំឲ្យដាច់ពីគ្នា ទុកដាក់ក្នុងចានមួយផ្នែក ។២- លាងសម្អាតគល់ស្លឹកគ្រៃ ហើយហាន់ជាកង់ៗ ទុកដាក់ក្នុងចានមួយផ្នែក ។
៣- លាងទឹកត្រយូងចេករួច បកសំបកចាស់ៗចេញខ្លះ រួចពុះវាជាបួនចំណែកទុកដាក់ក្នុងចានមួយផ្នែក ។
៤- ដូងខ្ចីកាប់យកតែទឹកទុក
៥- គល់ស្លឹកគ្រៃ និង ខ្ទឹមសបកសម្បកទុកក្នុងចាន ។
៦- ក្រូចឆ្មារហាន់យកបន្ទះស្តើងរួចដាក់ទុកក្នុងចាន ។
៙ វិធីចម្អិន ៖
១- ប្រឡាក់គ្រឿងមាន់ ដោយយកចានគោមមួយ រួចដាក់មាន់ចូល ដោយដាក់ទឹកត្រី ទឹកស៊ីអ៊ីវ ម្សៅរ៉តឌី ស្ករស ប្រេងខ្យង ចូល រួចកូរឲ្យសព្វ ។២- គ្របទុក ១៥នាទី ដើម្បីឲ្យចូលជាតិបានល្អ ។
៣- ដាក់ឆ្នាំងដោយរៀបស្លឹកគ្រៃ និងមើមខ្ទឹមនៅ និងត្រយូងចេក ខាងក្រោម ។
៤- រួចដាក់មាន់ដែលបានប្រឡាក់ពីលើ ហើយចាក់ប្រេងឆាចូល រួចបិទគម្រប៥នាទី ដោយដុតភ្លើងឲ្យក្តៅជាប់ ។
៥- រួចចាក់ទឹកដូងចូល និងបន្តដុតភ្លើងរហូត ៣០នាទី ។
៧- យកចានសំប៉ែតមួយធំរួចដួសដាក់ចានជាការស្រេច ។
៙ បុកទឹកត្រីកោះកុង ៖
១- ដាក់ម្ទេស ខ្ទឹមសដែលបករួច អំបិល ស្ករស ម្សៅរ៉តដី ឬ ប៊ីចេង ចូលក្នុងត្បាល់ រួចបុកឲ្យម៉ត់ ។២- ជាចុងក្រោយច្របាច់ក្រូចឆ្មារចូល ភ្លក់មើលរសជាតិតាមតម្រូវការ ។
មុខម្ហូបនេះជាគ្រឿងក្លែមសំខាន់មួយសម្រាប់ប្រជាជនខ្មែរយើង ។ វាមានឈ្មោះថាមាន់ដុត តែវាមិនយកទៅដុតជាមួយភ្លើងផ្ទាល់នោះទេ គឺគេចម្អិនវាក្នុងឆ្នាំងជាមួយប្រេងឆា ដែលស្រដៀងនឹងការចៀនសាច់ដែរ ។
សូមទស្សនាវីដេអូ
___________
ប្រភព http://regionalcooking.blogspot.com
Post a Comment
៙ គោលការណ៍ក្នុងការផ្តល់យោបល់ ៖
1. យោបល់ត្រូវតែសរសេរជាភាសាខ្មែរ ពាក្យបច្ចេកទេសអាចសរសេរជាភាសាអង់គ្លេស។
2. យោបល់មិនត្រូវលើសពី 1000 តួអក្សរឡើយ។ ការបំបែកយោបល់មិនត្រូវបានអនុញ្ញាតទេ។
3. យោបល់ដែលចាត់ទុកថាជា Spam ឬមានគោលបំណងផ្សព្វផ្សាយពាណិជ្ជកម្មតែមួយមុខ នឹងត្រូវលុប។
4. ការពិភាក្សាអំពីនយោបាយមិនត្រូវបានអនុញ្ញាតនៅលើគេហទំព័រនេះទេ។
5. ការចែករំលែកតំណភ្ជាប់ដែលពាក់ព័ន្ធត្រូវបានអនុញ្ញាត។ តំណភ្ជាប់និងតម្រងពាក្យខ្លះត្រូវបានហាមឃាត់។
6. យោបល់ដែលរអ៊ូរទាំអំពីប្រធានបទនៃការបង្ហោះ ឬប្រភពរបស់វានឹងត្រូវលុប។
7. ការប្រើភាសាប្រមាថក្នុងយោបល់ ឬឈ្មោះអ្នកប្រើប្រាស់នឹងបណ្តាលឱ្យមានការហាមឃាត់។
8. ការវាយប្រហារ/ការបៀតបៀនដោយផ្ទាល់ នឹងបណ្តាលឱ្យមានការហាមឃាត់ភ្លាមៗ។
9. អ្នកសម្របសម្រួលអាចកែប្រែ/លុបយោបល់ដោយមិនចាំបាច់ជូនដំណឹង។