៙ គ្រឿងផ្សំ ៖
១- ឆ្អឹងជំនីជ្រូក ៩ខាំ កាត់ជាដុំតូចល្មម២- ម្នាស់ ៥ខាំ ហាន់ជាដុំតូចល្មម
៣- គ្រឿងបុក ៣ស្លាបព្រាបាយ (ល្មៀត រំដេង គល់ស្លឹកគ្រៃ ស្លឹកក្រូច ខ្ទឹមស)
៤- ម្ទេសក្រៀម ចិញ្ច្រាំអោយម៉ដ្ឋ ២ស្លាបព្រាបាយ
៥- ខ្ទិះដូង ១កូនចានចង្កឹះ
៦- ម្សៅស៊ុប ២ស្លាបព្រាបាយ
៧- ស្ករ ២ស្លាបព្រាបាយ
៨- ទឹក ៥កូនចានចង្កឹះ
៩- សណ្ដែកដី ២ស្លាបព្រាបាយ បុកអោយម៉ត់
១០- ទឹកអម្ពិលទុំ ២ស្លាបព្រាបាយ
១១- អំបិល ១ស្លាបព្រាកាហ្វេ
១២- ទឹកត្រី ១ស្លាបព្រាបាយ
១៣- ប្រេងឆា ២ស្លាបព្រាបាយ
៙ របៀបធ្វើ ៖
១- ដាំឆ្នាំ បើកភ្លើងក្តៅល្មម ដាក់ប្រេងឆាចូល ទុកអោយក្តៅបន្តិច ដាក់គ្រឿងបុក និងម្ទេសក្រៀមចូល ឆាអោយឡើងពណ៌ក្រហមល្អ ។២- ដាក់ឆ្អឹងជ្រូកចូល កូអោយចូលគ្រឿងសព្វល្អ សឹមផ្សំរសជាតិដោយ ម្សៅស៊ុប ស្ករ អំបិល និងទឹកត្រី កូអោយសព្វចូលគ្នាល្អ រួចរំងាស់អោយដាច់ទឹកដែលចេញពីសាច់ សឹមដាក់ទឹកចូល រំងាស់អោយផុយសាច់ សឹមដាក់ខ្ទិះដូង ម្នាស់ និងទឹកអម្ពិលទុំចូល ទុកអោយពុះ ដាក់សណ្តែកដីចូល ភ្លក្សរសជាតិតាមការចូលចិត្តជាការស្រេច៕
__________
ប្រភពពី : http://recipe.camlocation.com
Post a Comment
៙ គោលការណ៍ក្នុងការផ្តល់យោបល់ ៖
1. យោបល់ត្រូវតែសរសេរជាភាសាខ្មែរ ពាក្យបច្ចេកទេសអាចសរសេរជាភាសាអង់គ្លេស។
2. យោបល់មិនត្រូវលើសពី 1000 តួអក្សរឡើយ។ ការបំបែកយោបល់មិនត្រូវបានអនុញ្ញាតទេ។
3. យោបល់ដែលចាត់ទុកថាជា Spam ឬមានគោលបំណងផ្សព្វផ្សាយពាណិជ្ជកម្មតែមួយមុខ នឹងត្រូវលុប។
4. ការពិភាក្សាអំពីនយោបាយមិនត្រូវបានអនុញ្ញាតនៅលើគេហទំព័រនេះទេ។
5. ការចែករំលែកតំណភ្ជាប់ដែលពាក់ព័ន្ធត្រូវបានអនុញ្ញាត។ តំណភ្ជាប់និងតម្រងពាក្យខ្លះត្រូវបានហាមឃាត់។
6. យោបល់ដែលរអ៊ូរទាំអំពីប្រធានបទនៃការបង្ហោះ ឬប្រភពរបស់វានឹងត្រូវលុប។
7. ការប្រើភាសាប្រមាថក្នុងយោបល់ ឬឈ្មោះអ្នកប្រើប្រាស់នឹងបណ្តាលឱ្យមានការហាមឃាត់។
8. ការវាយប្រហារ/ការបៀតបៀនដោយផ្ទាល់ នឹងបណ្តាលឱ្យមានការហាមឃាត់ភ្លាមៗ។
9. អ្នកសម្របសម្រួលអាចកែប្រែ/លុបយោបល់ដោយមិនចាំបាច់ជូនដំណឹង។