៙ គ្រឿងផ្សំមាន ៖
១- មាន់មួយក្បាល ( លាងទឹកឲ្យស្អាត យកទៅស្ងោរ ឲ្យឆ្អិនរួចបេះយកតែសាច់ ）២- ស្ពៃខ្មៅ 1kg （ លាងទឹកឲ្យស្អាត យកតែធាង រួចយកទៅស្រុះទឹកក្ដៅឲ្យឆ្អិនបន្តិច ）
៣- ខ្ទឹមស កាត់ក្បាលបកសំបកចេញ ( លាងទឹកឲ្យស្អាត ចិញ្ច្រាំឲ្យម៉ត់រួចយកទៅបំពងឲ្យឆ្ងុយ )
៤- ការ៉ុតមួយមើម （ លាងទឹកឲ្យស្អាត ចិតសំបកចេញ ហាន់ជាបន្ទះស្ដើងៗ រួយយកទៅស្រុះទឹកក្ដៅឲ្យឆ្អិនបន្តិច ）
៥- សាឡាត់មួយដើម (លាងទឹកឲ្យស្អាត បេះវាទុកយកទៅទ្រនាប់ពីក្រោមចានសាច់មាន់ស្ពៃខ្មៅ) ។
៦- ជីរវ៉ាន់ស៊ុយ （ លាងទឹកឲ្យស្អាត កាត់យកតែគល់ ទុកបំពងជាមួយ ឈើអែម ផ្កាចន្ទន៍ ខ្ទឹមសចិញ្ច្រាំ ឯស្លឹក- ទុកវាសំរាប់លាយជាមួយសាច់មាន់ )
៧- ទឹកស៊ីអ៊ីវ
៨- ប្រេងខ្យង
៩- ប្រេងល្ង
១០- ប៊ីចេង
១១- ស្ករស ( ដាក់បន្តិចបានហើយ )
៙ វិធីធ្វើ ៖
១. យកធាងស្ពៃខ្មៅ លាយជាមួយខ្ទឹមបំពងរួចទុកមួយអន្លើ ។២. ដាក់ខ្ទះឲ្យក្ដៅ ចាក់ប្រេងឆាចូល ឲ្យក្ដៅ ដាក់ខ្ទឹមសចិញ្ច្រាំ.គល់ជីរវ៉ាន់ស៊ុយ.ឈើអែម.ផ្កាចន្ទន៍ ចូលលីងឲ្យឆ្ងុយចាក់ទឹកស៊ីអ៊ីវ ប្រេងខ្យង ប្រេងល្ង ប៊ីចេង ស្ករស រួចដាក់ទឹកធម្មតាចូលបន្តិច ភ្លក់រសជាតិតាមចំណូលចិត្ត ទុកឲ្យពុះបន្តិច បិតភ្លើង រួចចាក់ទឹកជ្រលក់ចូលចានធំល្មម យកសាច់មាន់ដាក់ចូលទឹកជ្រលក់ច្របល់ឲ្យសព្វដាក់ ស្ពៃខ្មៅ ការ៉ុត ស្លឹកជីរវ៉ាន់ស៊ុយ គ្នារួចសង្កត់ឲ្យសព្វគ្នាបន្តិចរួចទុកមួយអន្លើសិន ។
៣. យកចានរៀបសាឡាត់ ដាក់ពីលើចាន រួចយកចានដែលមានស្ពៃខ្មៅនិងសាច់មាន់ដែលផ្សំគ្រឿងរួចមកចាក់ផ្កាប់ពីលើចានដែលរៀបសាឡាត់រួច ម្ហូបនេះជាម្ហូបត្រជាក់យើងអាចរៀបរួចហើយយកទៅដាក់ទូទឹកកក ឲ្យត្រជាក់ៗ បន្តិចសឹមយកមកបរិភោគក៏បាន មិនបាច់ក៏បាននោះជាការស្រេច ។
ប្រភព ស៊ូ ដារ៉ា
No comments
Post a Comment
៙ គោលការណ៍ក្នុងការផ្តល់យោបល់ ៖
1. យោបល់ត្រូវតែសរសេរជាភាសាខ្មែរ ពាក្យបច្ចេកទេសអាចសរសេរជាភាសាអង់គ្លេស។
2. យោបល់មិនត្រូវលើសពី 1000 តួអក្សរឡើយ។ ការបំបែកយោបល់មិនត្រូវបានអនុញ្ញាតទេ។
3. យោបល់ដែលចាត់ទុកថាជា Spam ឬមានគោលបំណងផ្សព្វផ្សាយពាណិជ្ជកម្មតែមួយមុខ នឹងត្រូវលុប។
4. ការពិភាក្សាអំពីនយោបាយមិនត្រូវបានអនុញ្ញាតនៅលើគេហទំព័រនេះទេ។
5. ការចែករំលែកតំណភ្ជាប់ដែលពាក់ព័ន្ធត្រូវបានអនុញ្ញាត។ តំណភ្ជាប់និងតម្រងពាក្យខ្លះត្រូវបានហាមឃាត់។
6. យោបល់ដែលរអ៊ូរទាំអំពីប្រធានបទនៃការបង្ហោះ ឬប្រភពរបស់វានឹងត្រូវលុប។
7. ការប្រើភាសាប្រមាថក្នុងយោបល់ ឬឈ្មោះអ្នកប្រើប្រាស់នឹងបណ្តាលឱ្យមានការហាមឃាត់។
8. ការវាយប្រហារ/ការបៀតបៀនដោយផ្ទាល់ នឹងបណ្តាលឱ្យមានការហាមឃាត់ភ្លាមៗ។
9. អ្នកសម្របសម្រួលអាចកែប្រែ/លុបយោបល់ដោយមិនចាំបាច់ជូនដំណឹង។