៙ គ្រឿងផ្សំ ៖
- ពងមាន់ស្ងោរ ២ ពុះបញ្ឈរ ជា៦ដុំ
- ត្រីងៀត អាំងឆ្អិន ២ (បើដាក់ត្រីងៀតច្រើន បន្ថយទឹកត្រី)
- ត្រសក់ ២/៣ ផ្លែ ពុះជាពីរចំរៀករួចចិតស្ដើងៗ
- ប៉េងប៉ោះ ១ ចិតបន្ទះៗ
- ទឹកត្រី ២ ស្លាបព្រាបាយ
- ទឹកអំពិលទុំ ត្រាំទឹកក្ដៅ យកទឹកឲ្យខាប់ ៤ ស្លាបព្រាបាយកន្លះ
- ស្ករស ១ ស្លាបព្រាកាហ្វេ
- អំបិល កន្លះស្លាបព្រាកាហ្វេ
- ម្ទេស ហាន់ (ដាក់តាមចំណូលចិត្ត)
- ខ្ទឹមស ចិញ្ច្រាំ ១កំពិស
- ស្លឹកខ្ទឹម ហាន់ហើយ ២ ស្លាបព្រាបាយ
- ជីរ រណា និងជីរសាំកុង ២ស្មែង ទាំងដើមខ្ចីហាន់ឲ្យតូចៗ
- ទឹកដាំពុះក្ដៅៗ ២ពែង
៙ វិធីធ្វើ ៖
1- យកទឹកដាំពុះ២ពែង ដាក់ក្នុងចាន រួចដាក់ទឹកត្រី ខ្ទឹមស ទឹកអំពិលទុំ ស្ករស លាយចូលគ្នា រួចដាក់ត្រីងៀតដែលបេះហើយ បន្ទាប់មកដាក់ត្រសក់ ប៉េងប៉ោះ ពងមាន់ស្ងោរ ច្របល់ចូលគ្នា រួចដាក់ម្ទេសហាន់ហើយចូល រួចបង់ជីរ និងស្លឹកខ្ទឹមចូល ច្របល់ចូលគ្នាម្ដងទៀត រួចជាការស្រេច បើខ្វះរសជាតិអ្វីអាចបន្ថែមតាមចំណូលចិត ៕______________
ប្រភព៖ វិជ្ជាធ្វើម្ហូប
វីដេអូខាងក្រោមនេះបង្ហាញពីរបៀបធ្វើមួយទៀត
How To Cook Dried fish With Egg | របៀបស្ងោរជ្រក់ត្រីងៀតក្រៅឆ្នាំង - មេផ្ទះ (Housewife)
No comments
Post a Comment
៙ គោលការណ៍ក្នុងការផ្តល់យោបល់ ៖
1. យោបល់ត្រូវតែសរសេរជាភាសាខ្មែរ ពាក្យបច្ចេកទេសអាចសរសេរជាភាសាអង់គ្លេស។
2. យោបល់មិនត្រូវលើសពី 1000 តួអក្សរឡើយ។ ការបំបែកយោបល់មិនត្រូវបានអនុញ្ញាតទេ។
3. យោបល់ដែលចាត់ទុកថាជា Spam ឬមានគោលបំណងផ្សព្វផ្សាយពាណិជ្ជកម្មតែមួយមុខ នឹងត្រូវលុប។
4. ការពិភាក្សាអំពីនយោបាយមិនត្រូវបានអនុញ្ញាតនៅលើគេហទំព័រនេះទេ។
5. ការចែករំលែកតំណភ្ជាប់ដែលពាក់ព័ន្ធត្រូវបានអនុញ្ញាត។ តំណភ្ជាប់និងតម្រងពាក្យខ្លះត្រូវបានហាមឃាត់។
6. យោបល់ដែលរអ៊ូរទាំអំពីប្រធានបទនៃការបង្ហោះ ឬប្រភពរបស់វានឹងត្រូវលុប។
7. ការប្រើភាសាប្រមាថក្នុងយោបល់ ឬឈ្មោះអ្នកប្រើប្រាស់នឹងបណ្តាលឱ្យមានការហាមឃាត់។
8. ការវាយប្រហារ/ការបៀតបៀនដោយផ្ទាល់ នឹងបណ្តាលឱ្យមានការហាមឃាត់ភ្លាមៗ។
9. អ្នកសម្របសម្រួលអាចកែប្រែ/លុបយោបល់ដោយមិនចាំបាច់ជូនដំណឹង។