៙ គ្រឿងស្ល ៖
១- សាច់ភ្លៅគោ ២ ខាំ២- ខ្ទិះ ២ វែកសម្ល
៣- ដំឡូងបារាំង ២ មើម
៤- ខ្ទឹមក្រហម ៤ មើម
៥- គ្រាប់ឈូកក្រៀម ១០ គ្រាប់
៦- ស្ករត្នោត ២ ស្លាបព្រាបាយ
៧- ស្ករ.ស ១ ស្លាបព្រាបាយ
៨- ទឹកត្រី ២ ស្លាបព្រាបាយ
៩- អម្ពិលទុំ ២ ស្លាបព្រាបាយ
១០- ទឹកខ្មេះ ១ ស្លាបព្រាបាយ
៙ គ្រឿងផ្សំ ៖
១- មើមខ្ទឹមក្រហមដុត ៥ មើម២- ម្ទេសក្រៀមដុត ១០ គ្រាប់
៣- ហាន់គល់ស្លឹកគ្រៃ ២ គល់
៤- រំដេងដុត ៣ ចំណិត
៥- ខ្ទឹមសដុត ១៥ កំពឹស
៦- កាពិដុត ១ ស្លាបព្រាបាយ
៧- ផ្កាចាព្លូលីង ៣ ផ្កា
៨- ប្រេងឆា
៩- ផ្លែក្រវាញលីង ៥ ផ្លែ
១០- ស្លឹកក្រវាញ ៥ សន្លឹក
៙ វិធីធ្វើ ៖
១- បុកគ្រឿងផ្សំទាំងអស់ចូលគ្នាឲ្យល្អិត រួចយកគ្រឿងបុកនោះទៅលីងជាមួយប្រេងឆា ឲ្យចេញក្លិនឈ្ងុយ ។
២- លាងគ្រាប់ឈូកឲ្យស្អាត រួចត្រាំក្នុងទឹកស្អាត ១០ នាទី រហូតដល់ទន់ បន្ទាប់មកយកទៅស្ងោរ ១០ នាទី រហូតដល់ឆ្អិន ។
៣- ចិតសម្បកមើមដំឡូងបារាំង រួចត្រាំជាមួយទឹកលាយអំបិលការពារសាច់ប្រែពណ៌ខ្មៅ ។ បន្ទាប់មកបកសម្បកមើមខ្ទឹមក្រហម ទើបយកទៅស្ងោរជាមួយមើមដំឡូងបារាំងរហូតដល់ឆ្អិន ។ ហាន់មើមដំឡូងបារាំងជាដុំៗ ចំណែកខ្ទឹមក្រហមចិតជា ៨ ចំណិតដូចជាផ្កាចន្ទន៍ ។
៤- ចាក់ខ្ទិះដាក់ឆ្នាំងកម្ដៅភ្លើងតិចៗរង់ចាំដល់ពុះ បន្ទាប់មកបង់សាច់ដែលបានត្រៀមទុករង់ចាំរហូតដល់ឆ្អិនផុយ រួចហើយចាក់គ្រឿងផ្សំទៅក្នុងឆ្នាំង ប្រើវែកកូររហូតដល់គ្រឿងឡើងខាប់ ទើបដាក់ទឹកត្រី ស្ករស ស្ករត្នោត អម្ពិលទុំ ហើយភ្លក្សរសជាតិ ។
៥- បង់ដំឡូងបារាំង និងខ្ទឹមក្រហមដែលត្រៀមទុក ទើបបង់គ្រាប់ឈូកដែលស្ងារឆ្អិន ហើយបន្ដកូរឲ្យសព្វមួយស្របក់ ទើបលើកចុះទុកជាការស្រេច ៕
_______________ប្រភពពី camlocation
Post a Comment
៙ គោលការណ៍ក្នុងការផ្តល់យោបល់ ៖
1. យោបល់ត្រូវតែសរសេរជាភាសាខ្មែរ ពាក្យបច្ចេកទេសអាចសរសេរជាភាសាអង់គ្លេស។
2. យោបល់មិនត្រូវលើសពី 1000 តួអក្សរឡើយ។ ការបំបែកយោបល់មិនត្រូវបានអនុញ្ញាតទេ។
3. យោបល់ដែលចាត់ទុកថាជា Spam ឬមានគោលបំណងផ្សព្វផ្សាយពាណិជ្ជកម្មតែមួយមុខ នឹងត្រូវលុប។
4. ការពិភាក្សាអំពីនយោបាយមិនត្រូវបានអនុញ្ញាតនៅលើគេហទំព័រនេះទេ។
5. ការចែករំលែកតំណភ្ជាប់ដែលពាក់ព័ន្ធត្រូវបានអនុញ្ញាត។ តំណភ្ជាប់និងតម្រងពាក្យខ្លះត្រូវបានហាមឃាត់។
6. យោបល់ដែលរអ៊ូរទាំអំពីប្រធានបទនៃការបង្ហោះ ឬប្រភពរបស់វានឹងត្រូវលុប។
7. ការប្រើភាសាប្រមាថក្នុងយោបល់ ឬឈ្មោះអ្នកប្រើប្រាស់នឹងបណ្តាលឱ្យមានការហាមឃាត់។
8. ការវាយប្រហារ/ការបៀតបៀនដោយផ្ទាល់ នឹងបណ្តាលឱ្យមានការហាមឃាត់ភ្លាមៗ។
9. អ្នកសម្របសម្រួលអាចកែប្រែ/លុបយោបល់ដោយមិនចាំបាច់ជូនដំណឹង។