៙ គ្រឿងផ្សំ ៖
១- ឆ្អឹងគោជាប់សរសៃ ១គីឡូ២- ខ្ទឹមក្រហម ៦-១០ដុំ
៣- ខ្ទឹមបារាំង ១ដុំ (ហាន់ល្អិតៗ)
៤- ស្ករ ១ខាំ
៥- ទឹកត្រី ១កូនចានចង្កិះ
៦- ទឹកប្រេងខ្យង ៤ស្លាបព្រាបាយ
៧- អំបិល ចុងស្លាបព្រាកាហ្វេ
៨- ម្រេចម៉ដ្ឋ ១ស្លាបព្រាការហ្វេ
៩- ម្សៅស៊ុប ១ស្លាបព្រាបាយ
៙ របៀបធ្វើ ៖
១- បំពងខ្ទឹមក្រហម និងខ្ទឹមបារាំង ទាល់តែក្រហមក្រមៅ។២- ចាក់ស្ករ ទឹកត្រី ទឹកប្រេងខ្យង អំបិល ម្រេចបុក និងម្សៅស៊ុប ចូលកូរអោយសព្វ។
៣- លាងឆ្អឹងគោអោយស្អាត ដាក់ចូល កូរអោយសព្វគ្រឿងចូលគ្នា ទើបចាក់ទឹក ១លីត្រ រំងាស់ទាល់តែគោក ទើបចាក់២លីត្រ រំងាស់ឆ្អឹងទាល់តែផុយសរសៃ បើមិនផុយ ថែមទឹកទៀត(ពេលរំងាស់ កុំគ្របគម្របឆ្នាំង ដើម្បីរក្សាទឹកស៊ុបអោយនៅពណ៌ក្រហមថ្លា មិនល្អក់ បើសិនជាល្អក់នឹងឆាប់ផ្អូម) ។
៤- នៅពេលពុះផុយសរសៃជាប់ឆ្អឹងគោហើយ យើងអាចលើកទុកអោយត្រជាក់ ទើបគ្របទុក មួយយប់ ព្រឹកឡើង សឹមថែមទឹករំងាស់បន្ថែម រហូតឆ្អឹងគោ ចេញជាតិឆ្ងាញ់ ទើបភ្លក្សសាបប្រៃថែមថយ តាមចំណូលចិត្ត។
៥- នៅពេលបរិភោគ សូមដាំទឹកមួយឆ្នាំង ស្រុសគុយទាវ ឬ មីដាក់ចាន ហើយ សឹមដួសទឹកស៊ុបដាក់ចូល។
៦- បើចង់ឆ្ងាញ់ អាចថែមសាច់ស្រស់ និង ប្រហិតសាច់គោថែមទៀត។
៧- ពេលទទួលទានសូមថែមស្លឹកខ្ទឹមហាន់ ជីរវ៉ាន់ស៊ុយ ជីរបន្លា និងគ្រឿងគ្រៅដទៃទៀត តាមចំណូលចិត្ត ដូចជា សាលាដ សណ្តែកបណ្តុះ ខ្ទឹមសបំពង ម្រេចបុក ទឹកម្ទេស ទឹកសៀងហួយស៊ិន ជាដើម។
_____________
ប្រភពពី : http://recipe.camlocation.com/Soup-Stew/
Post a Comment
៙ គោលការណ៍ក្នុងការផ្តល់យោបល់ ៖
1. យោបល់ត្រូវតែសរសេរជាភាសាខ្មែរ ពាក្យបច្ចេកទេសអាចសរសេរជាភាសាអង់គ្លេស។
2. យោបល់មិនត្រូវលើសពី 1000 តួអក្សរឡើយ។ ការបំបែកយោបល់មិនត្រូវបានអនុញ្ញាតទេ។
3. យោបល់ដែលចាត់ទុកថាជា Spam ឬមានគោលបំណងផ្សព្វផ្សាយពាណិជ្ជកម្មតែមួយមុខ នឹងត្រូវលុប។
4. ការពិភាក្សាអំពីនយោបាយមិនត្រូវបានអនុញ្ញាតនៅលើគេហទំព័រនេះទេ។
5. ការចែករំលែកតំណភ្ជាប់ដែលពាក់ព័ន្ធត្រូវបានអនុញ្ញាត។ តំណភ្ជាប់និងតម្រងពាក្យខ្លះត្រូវបានហាមឃាត់។
6. យោបល់ដែលរអ៊ូរទាំអំពីប្រធានបទនៃការបង្ហោះ ឬប្រភពរបស់វានឹងត្រូវលុប។
7. ការប្រើភាសាប្រមាថក្នុងយោបល់ ឬឈ្មោះអ្នកប្រើប្រាស់នឹងបណ្តាលឱ្យមានការហាមឃាត់។
8. ការវាយប្រហារ/ការបៀតបៀនដោយផ្ទាល់ នឹងបណ្តាលឱ្យមានការហាមឃាត់ភ្លាមៗ។
9. អ្នកសម្របសម្រួលអាចកែប្រែ/លុបយោបល់ដោយមិនចាំបាច់ជូនដំណឹង។