៙ គ្រឿងផ្សំ ៖
១- មាន់ខ្មៅ២- ការ៉ុត
៣- មីសួ
៤- ពុទ្រាក្រហមក្រៀម
៥- សាច់មៀនហាល
៦- គ្រាប់ឈូក
៧- ផ្កាចេកហាល
៨- ផ្សិតត្រចៀកកណ្ដុរ
៩- ផ្សិតឈើ ឬផ្សិតចំបើង
១០- ស្បែកជ្រូកបំពង
១១- ពពុះសណ្ដែក
១២- មើមខ្ញី ខ្ទឹមស ខ្ទឹមក្រហម ស្លឹកខ្ទឹម ជីរវ៉ាន់ស៊ុយ ម្រេច អំបិល ទឹកត្រី ស្ករ ម្សៅស៊ុប
៙ របៀបធ្វើ ៖
១- ដាំទឹកអោយពុះ ស្ងោរមាន់ខ្មៅមួយពុះចោល អោយបាត់ជាតិចម្អាប។ ស្រង់ចេញទុកទៅម្ខាង។២- លីងខ្ទឹមបារាំងហាន់ល្អិត អោយឡើងក្រហមឈ្ងុយ រួចទើបចាក់ខ្ទឹមសចូល លីងអោយក្រហមចូលគ្នា បន្ទាប់មក ចាក់ទឹកត្រីចូល ថែមម្រេចបុក ខ្ទឹមក្រហមហាន់ អំបិល និងស្ករ កូរអោយឈ្ងុយ ទើបចាក់ទឹកដាំ។
៣ពេលទឹកពុះ ដាំមើមខ្ញីដាក់មួយដុំ ហើយដាក់មាន់ចូល។ ពេលរំងាស់ កុំគ្របគម្របឆ្នាំង។ បើគ្របនឹងធ្វើអោយទឹកស្ងោរល្អក់ ហើយឆាប់ផ្អូម។
៤- នៅឆ្នាំងផ្សេងទៀត ដាំទឹកស្រុះ ពុទ្រាក្រៀម សាច់មៀនហាល គ្រាប់ឈូក ផ្កាចេកហាល ផ្សិតត្រចៀកកណ្ដុរ ផ្សិតឈើ ឬផ្សិតចំបើង ស្បែកជ្រូកបំពង ពពុះសណ្ដែក។ ស្រង់ចេញ លាងអោយស្អាត។
៥- ពេលពិនិត្យឃើញ សាច់មាន់ រាងផុយស្បែកបន្តិចសិន ទើបចាក់ការ៉ុត និងគ្រឿងដទៃទាំងអស់ចូល ដាំអោយពុះចូលជាតិគ្នា។
៦- នៅពេលមាន់ផុយទន់សាច់ ទើបដាក់ម្សៅស៊ុប ហើយភ្លក្សថែមថយតាមចំណូលចិត្ត។
៧- ត្រាំមីសួអោយទន់ ហើយកាត់ខ្លីៗ ទុកដាក់មួយអន្លើ។
៨- ស្លឹកខ្ទឹម និងជីរវ៉ាន់ស៊ុយ ត្រូវហាន់ល្អិតៗ ទុករោយពីលើស៊ុប ពេលដួសស្ងោរមាន់ដាក់ចានសម្ល។
៩- ដាក់មីសួបន្តិចទៅបាតចាន មុននឹងដួសស្ងោរមាន់ ដែលកំពុងពុះលើចង្ក្រាន ដាក់ទៅក្នុងចានសម្ល ទើបរោយស្លឹកខ្ទឹម និងជីរវ៉ាន់ស៊ុយពីលើ។ យើងត្រូវទទួលទានស៊ុបនេះ នៅពេលក្តៅៗទើបឆ្ងាញ់៕
_______________
ប្រភព : http://tak-tic.blogspot.com/2017/05/blog-post_111.html
Post a Comment
៙ គោលការណ៍ក្នុងការផ្តល់យោបល់ ៖
1. យោបល់ត្រូវតែសរសេរជាភាសាខ្មែរ ពាក្យបច្ចេកទេសអាចសរសេរជាភាសាអង់គ្លេស។
2. យោបល់មិនត្រូវលើសពី 1000 តួអក្សរឡើយ។ ការបំបែកយោបល់មិនត្រូវបានអនុញ្ញាតទេ។
3. យោបល់ដែលចាត់ទុកថាជា Spam ឬមានគោលបំណងផ្សព្វផ្សាយពាណិជ្ជកម្មតែមួយមុខ នឹងត្រូវលុប។
4. ការពិភាក្សាអំពីនយោបាយមិនត្រូវបានអនុញ្ញាតនៅលើគេហទំព័រនេះទេ។
5. ការចែករំលែកតំណភ្ជាប់ដែលពាក់ព័ន្ធត្រូវបានអនុញ្ញាត។ តំណភ្ជាប់និងតម្រងពាក្យខ្លះត្រូវបានហាមឃាត់។
6. យោបល់ដែលរអ៊ូរទាំអំពីប្រធានបទនៃការបង្ហោះ ឬប្រភពរបស់វានឹងត្រូវលុប។
7. ការប្រើភាសាប្រមាថក្នុងយោបល់ ឬឈ្មោះអ្នកប្រើប្រាស់នឹងបណ្តាលឱ្យមានការហាមឃាត់។
8. ការវាយប្រហារ/ការបៀតបៀនដោយផ្ទាល់ នឹងបណ្តាលឱ្យមានការហាមឃាត់ភ្លាមៗ។
9. អ្នកសម្របសម្រួលអាចកែប្រែ/លុបយោបល់ដោយមិនចាំបាច់ជូនដំណឹង។