៙ គ្រឿងផ្សំ ៖
១- មាន់ ១ក្បាល ប្រហែល ១គីឡូកន្លះ២- ថ្លើម បេះដូង ឈាម (ជ្រូក) ១គីឡូ
៣- ទឹកត្រី ២ស្លាបព្រាបាយ
៤- អំបិល ១ស្លាបព្រាកាហ្វេ
៥- បង្គាគ្រាម ៣ស្លាបព្រាបាយ
៦- ស្ករ ១ស្លាបព្រាបាយ
៧- ម្សៅស៊ុប ៣ស្លាបព្រាបាយ
៨- យាហឺ ៣បន្ទះ (តូចៗ) ហាន់តូចៗ
៩- ឆៃប៉ូវប្រៃ ៤ចំនិត ហាន់ស្តើងៗ
១០- ខ្ទឹមសចិញ្ច្រាំ ១ស្លាបព្រាបាយ
១១- អង្ករ ៣កំប៉ុង
១២- ទឹក ៨លីត្រ
៙ របៀបធ្វើ ៖
១- ដាំទឹកអោយពុះ ដាក់អំបិលបន្តិច រួចដាក់មាន់ចូល ស្ងោរយៈពេល ២០នាទី ឬ រហូតដល់មាន់ឆ្អិន។២- ដាំទឹកអោយពុះ (ឆ្នាំងផ្សេង) ដាក់អំបិល ១ស្លាបព្រាកាហ្វេ រួចដាក់ឈាមជ្រូកចូល ស្ងោ ៥នាទី រួចយកទៅលាងជាមួយទឹកត្រជាក់អោយស្អាត រួចកាត់ជាដុំតូច ហើយដាក់ត្រាំក្នុងទឹកត្រជាក់។
៣- ពេលស្ងោមាន់បានប្រហែល ១០នាទីយើងដាក់ បង្គាគ្រាម យីហឺ និងឆៃប៉ូវចូល។
៤- ដាំទឹកអោយពុះ (ឆ្នាំងផ្សេង) ដាក់អំបិល ១ស្លាបព្រាកាហ្វេ រួចដាក់ថ្លើម និងបេះដូងស្ញោរអោយឆ្អិន ប្រហែល ១០ទៅ១៥នាទី រួចហាន់ស្តើងៗ។
ក្រោយរំងាស់ទឹកស៊ុបបាន ២០នាទី ឬមាន់ឆ្អិនហើយ យើងស្រង់មាន់ចេញទុកអោយត្រជាក់ សឹមហែកជាបន្ទះៗតូចល្មម តាមចំណូលចិត្ត។
លាងអង្ករ បីបួនទឹកអោយស្អាត រួចទុកអោយច្រោះទឹក។
៥- ដាំប្រេងឆា ១ស្លាបព្រាបាយអោយក្តៅ ដាក់ខ្ទឹមចូលឆាអោយក្រហមល្អ ដាក់អង្ករចូលឆាបីបួនត្រឡប់ សឹមដាក់ ស្ករ អំបិល ទឹកត្រី និងម្សៅស៊ុបចូលឆាប្រហែល ២ទៅ៣នាទី (ដាក់ទឹកស៊ុបចូលបន្តិច) រួចយកទៅចាក់ចូលក្នុងឆ្នាំងស៊ុប រំងាស់ប្រហែល១៥នាទី រួចដាក់ឈាម និងសាច់មាន់ចូលទុកអោយពុះ រួចបិទភ្លើង។
*** ពេលទទួលទាន ដួសបបរដាក់ចាន ដាក់សណ្តែកបណ្ដុះបន្តិច ដាក់ថ្លើម និងបេះដូង ៤-៥ចំនិត ដាក់ស្លឹកជី ស្លឹកខ្ទឹម ក្រូចឆ្មារ សៀងឆា ម្ទេសឆា ខ្ទឹមបំពង ជាការស្រេច៕
_______________
ប្រភព :
No comments
Post a Comment
៙ គោលការណ៍ក្នុងការផ្តល់យោបល់ ៖
1. យោបល់ត្រូវតែសរសេរជាភាសាខ្មែរ ពាក្យបច្ចេកទេសអាចសរសេរជាភាសាអង់គ្លេស។
2. យោបល់មិនត្រូវលើសពី 1000 តួអក្សរឡើយ។ ការបំបែកយោបល់មិនត្រូវបានអនុញ្ញាតទេ។
3. យោបល់ដែលចាត់ទុកថាជា Spam ឬមានគោលបំណងផ្សព្វផ្សាយពាណិជ្ជកម្មតែមួយមុខ នឹងត្រូវលុប។
4. ការពិភាក្សាអំពីនយោបាយមិនត្រូវបានអនុញ្ញាតនៅលើគេហទំព័រនេះទេ។
5. ការចែករំលែកតំណភ្ជាប់ដែលពាក់ព័ន្ធត្រូវបានអនុញ្ញាត។ តំណភ្ជាប់និងតម្រងពាក្យខ្លះត្រូវបានហាមឃាត់។
6. យោបល់ដែលរអ៊ូរទាំអំពីប្រធានបទនៃការបង្ហោះ ឬប្រភពរបស់វានឹងត្រូវលុប។
7. ការប្រើភាសាប្រមាថក្នុងយោបល់ ឬឈ្មោះអ្នកប្រើប្រាស់នឹងបណ្តាលឱ្យមានការហាមឃាត់។
8. ការវាយប្រហារ/ការបៀតបៀនដោយផ្ទាល់ នឹងបណ្តាលឱ្យមានការហាមឃាត់ភ្លាមៗ។
9. អ្នកសម្របសម្រួលអាចកែប្រែ/លុបយោបល់ដោយមិនចាំបាច់ជូនដំណឹង។